Wie is ons?
Baie mense kan dalk dink dat Fynbos ontstaan het oor `n ongelukkigheid, maar Fynbos het ontstaan oor `n frustrasie. `n Frustrasie waar mense jou wil voorskryf hoe om God te dien. `n Frustrasie dat hoe meer jy die Here wil dien, hoe meer word jy beperk deur menslike instellings. `n Frustrasie waar daar van jou verwag word om te volstaan met wat jy het, terwyl ons soveel meer soek. `n Frustrasie waar daar van jou verwag word om net te oorleef terwyl ons vir God wil leef.
Wat verwag ons van jou?
-
Om die Here te dien met jou hele hart, siel en gees.
-
Om Sondae na God se Woord te luister wat vandag nog tot ons praat.
-
Om uit te gaan en die verskil te wees,
Kom net soos jy is!
Hier gaan ons jou nie oordeel nie. Ons gaan nie kettings om jou nek hang nie. Jy is welkom net soos jy is en soos God jou gemaak het. Kom gemaklik en los jou das by die huis.
`n Nuwe kerk plant
Ons is `n nuwe kerk plant in George. Ons het `n groot liefde vir God en vir ons stad George. Ons nooi jou uit om te ontspan, die masker af te haal en saam met ons die liefde van Jesus te ontdek in God se Woord.
Wat maak Fynbos uniek?
Ons is `n onafhanklike Afrikaanse kerk met gereformeerde beginsels. Ons probeer almal akkommodeer (klein en groot), want dis vir ons belangrik dat elkeen in sy persoonlike verhouding met Jesus verdiep. `n Leraar het eendag mooi gesê: Ons wil net gehoorsaam wees.
Families is vir ons belangrik
Ons het natuurlik elkeen ons eie families, maar in Fynbos kry jy nog een by. Dis `n geloofsfamilie! Ons is nie net mense wat elkeen op ons eie stoele sit, besig met ons eie ding nie. Ons is mense wat vir mekaar omgee en lief is. Hierdie warmte kan ek jou waarborg.