Preke

Hier gaan jy elke Sondag se diens opspoor. Ons poog daarna om die Bybel in vandag se woorde oor te dra. God praat egter deur sy woord en daar is `n boodskap vir ons elkeen in ons moderne bestaan in die 2000's.

Jou geheime maak jou dood!

Dis baie moeilik om die lewe aan te vat met sy 10 000 dinge wat alles baklei vir jou tyd en aandag en dan nog om die heeltyd oor jou skouer te loer en hoop dat mense nie jou geheim sal uitvind nie. Hulle sal jou anders hanteer as hulle dit van jou moet weet. Jesus nooi jou vandag in 1 Johannes 1:5-10 om in Sy lig te kom en die donkerte te los. Kom los daai bagasie, draai om en floreer in sy liefde en vryheid!

Kliek hier

31 Mei 2026

Depressie!?!

Ek weet daar is mense wat reken dat gelowiges nie depressief mag wees nie, want dan is hulle geloof nie sterk genoeg nie. Dawid bewys dit verkeerd. Dawid in Psalm 42:1-12 is in `n diep gat en hy leer vir ons hoe om daaruit te kom. Rus, kry ondersteuning en druk jou ore toe vir depressie se fluister. Dis alles tree in die regte rigting!

Kliek hier

24 Mei 2026

6 goed wat vergifnis nie is nie!

Ek glo om te vergewe is seker een van die moeilikste goed wat `n mens kan doen, maar dis opdrag wat Jesus gee in Lukas 17:1-10. Dis iets wat jy doen terwille van jou eie hart! Anders gaan bitterheid soos `n lokval jou anker en jy gaan nêrens nie. Los deur te vergewe en laat God hanteer!

Kliek hier

17 Mei 2026

Hoe hanteer ek moeilike mense?

Twee goed wat na die week geen tekort van is nie, is water en moeilike mense. Ons paaie kruis orals en gereeld. Maar wat is nou die regte manier hoe om die situasie te hanteer? Wel Jesus leer ons in Lukas 6:27-36 daar is `n regte manier, maar dis ook die moeilikste manier!

Kliek hier

10 Mei 2026

Pyn!?!

Ek dink dis iets wat ons almal ken.... pyn! Partymaal verskriklik en dit vat baie tyd. Maar hoor vandag wat Jesus vir jou sê in Johannes 11:17-44. Jesus ken jou pyn en jy is nie alleen nie. Maar die belangrikste is, dis tydelik. Daar kom `n dag wanneer pyn omdraai en jy aangaan. In die hemel is nie daar nie pyn nie, pyn bly agter!

Kliek hier

3 Mei 2026

Hoe lyk my 5c vir God se koninkryk?

Ek het nie woorde na vandag nie! Partymaal doen trane van blydskap al die praat werk wat nodig is. Ons saal kan 130 mense vat en 148 daag vandag toe op. Alesia en Johan bely hulle geloof en hy bly kniel en ons kry die lekker verrassing dat hy haar vra net daar om te trou. Die Fynbos familie was vandag vissers van mense gewees! Dankie vir julle 5c vir God se koninkryk!

Kliek hier

26 April 2026

ChatGPT Image Apr 17, 2026, 09_29_52 AM.png

Stres!?!

Stres is iets wat ons almal ken. Stres druk alle vrede en blydskap uit. Dis nie goed vir jou nie, dis nie goed vir jou mense nie. Stres kan jou selfs meer by die dokter kry. Dis tyd dat ons hoor hoe om dit te hanteer in Filippense 4:2-9 deur jou voete op Jesus te plant en om in jou lyn te bly!

Kliek hier

19 April 2026

Kyk na wat jy eet!

Paulus praat van afbrekende woorde in Efesiërs 4:25-32 wat nie uit ons monde moet kom nie. Die mond kan net verkoop wat die hart (fabriek) maak. As ons gesonde vrugte wil spreek moet ons gesonde vrugte inneem (dis wat ons hoor, sien en lees). Maak oop jou Bybel want dis waar jou gesonde vrugte lê!

Kliek hier

12 April 2026

God se EKG!

Hoe mooi sien ons nie Jesus se hart raak veral oor Paasnaweek nie. Met sy kruisiging en opstanding sien die liefde raak. Sien die opoffering vir jou raak. Sien raak wat Jesus vir jou gedoen het. Jy gaan dit mooi sien in Johannes 1:1-18! God se EKG praat van liefde en die onmoontlike wat moontlik word.

Kliek hier

5 April 2026

Wanneer jy jou mond oop maak is dit lewe of dood?

Die mense wat in jou versier staan is nie noodwendig jou vyande nie, maar jou mense rondom jou! Elke dag moet jy die besluit `n paar keer maak, skiet ek dood met my woorde of spreek ek lewe? Jakobus 3:1-12 leer dat ons moet lewe spreek. Hoe meer jou hart by Jesus is, hoe meer lewe kom by jou mond uit!

Kliek hier

29 Maart 2026

Daai een sal dit nooit maak nie.

Het Johannes 3:16 enige fynskrif? Is daar `n komma of `n behalwe of `n hakkie agter die woord `elkeen`? Nee... Omdat jy vir Jesus belangrik is, is jy vir ons belangrik. Welkom by Fynbos en ons hoop dat ons jou vertroue in kerk wees weer te sal herstel!

Kliek hier

22 Maart 2026

Ons lewe is net te vol... Ons kort spasie!

Ons lewe is net te vol! Wanneer ons kyk na Lukas 10:38-42 dan sien ons 2 verskillende lewens. Martha en Maria. Een se lewe is baie vol en dit wat oorbly is Jesus sin. Die ander het alles gelos vir Jesus. Die groot vraag is... Hoe lyk jou lewe? Staan Jesus buite? Pas Hy darem iewers in of is daar baie tyd vir Jesus?

Kliek hier

15 Maart 2026

My maat `n oog vir `n oog,

dis mos wat die Bybel sê!

Wanneer jou knoppie afgaan en woede neem net oor... Hoe reageer jy? Hoe hanteer jy dan die mense in jou lewe? Wel jy kan soos Simson in Rigters 15:1-20 `n oog vir `n oog, maar chaos en pyn lê voor en baie mense wat seerkry. Nee Paulus sê gee ruimte en los dit in God se hande, dis `n baie beter manier. Baie baie geluk ook aan Angelique, Franco en Herman. Ons beste wense en mag die Here julle gebruik om anders te wees as die wêreld!

Kliek hier

8 Maart 2026

Ons is nie gemaak om `n eiland te wees nie!

Dis verstommend hoe baie mense dink ek kan `n gelowige wees, maar ek het nie die kerk nodig nie. Moenie dieselfde fout as Simson maak in Rigters 14:10-20 deur te dink ek het niemand nodig nie. God gebruik die mense om jou baie keer om jou te red en jou krag te wees. Ezer Kinegdo! Baie baie geluk ook Ryno en Mckenzie met julle doop vandag. Ons is super opgewonde saam met julle en dankbaar oor God se genade!

Kliek hier

1 Maart 2026

Simson: Ek het, ek kan, ek sal weer!

Kyk nou sal dit mos die Sondag wees wanneer ons oor trotsheid gesels, dat die krag "skielik" moes afgaan. So amper soos die duiwel wat nou sê: Hou op! Maar wanneer ons kyk na Simson se trotsheid in Rigters 15:1-20 het ons baie om daaruit te leer. Volg eerder Jesus se voorbeeld van besonderse nederigheid!

Kliek hier

22 Februarie 2026

Moenie so dwars soos Simson wees nie!

Mense ons kan nie lewe soos ons wil en verwag God moet bly seën nie. God het jou gekies en geroep en eenkant gesit om anders te lewe. Anders as die wêreld. Simson het hom nie gesteur aan die voorskrifte van Numeri 6:1-21 nie. Hy kon nie minder omgee nie, en toe eendag kom hy agter God het hom gelos. Moenie so dwars soos Simson wees nie! Kies Jesus elke dag!

Kliek hier

15 Februarie 2026

As ek maar net geweet het!

As ek maar net geweet het! As ek dit anders kon doen, as ek die tyd kon oorkry sou ek daai en hierdie verander. Wel Handelinge 16:16-34 leer jou dat dinge loop presies soos God daaroor besluit het. Dinge gebeur met `n doel en `n rede. Hy belowe ook om met tree vir tree saam jou daardeur te gaan. So voor die klomp hoekoms losbars, vertrou en glo eerder!

Kliek hier

8 Februarie 2026

`n Bietjie van hierdie en `n bietjie van daai!

So `n bietjie van hierdie dan so bietjie van daai! Die duiwel wil tog so graag hê jy moet in God se daai twyfel wanneer jy hierdie doen en het. Dat jy glo dat God nogsteeds nie sal deurkom nie. Wel 1 Korintiërs 10:1-22 leer Paulus om nie vir een oomblik jou oog van God af te haal nie, want sodra dit gebeur val ons vertroue saam!

Kliek hier

1 Februarie 2026

Ek word geroep om te getuig en nie te oortuig nie!

Ek hoef nie die slimste ou te wees nie. Ek hoef nie 23 Bybelverse te memoriseer nie. Ek hoef nie met diep teologiese redenasies te kom nie. Ek moet net getuig... Handelinge 9:1-19 het Paulus `n ongelooflike getuienis oor hoe Jesus sy lewe verander het. Dis al wat van ons verwag word as getuienisse. Getuig oor wat God in jou doen, wat jy sien en beleef.

Kliek hier

25 Januarie 2026

Uit met vormgodsdiens en dooie tradisie in met die waarheid!

Duisend dankies ou Gerhard vir die inloer vandag! Dit was `n voorreg om jou daar te mag verwelkom en te kon luister na Jesus wat jou hart ook vol gemaak het. Ons val so maklik in `n klomp `moet doen` dinge dat ons vergeet waaroor alles gaan. Dit gaan oor Jesus wat sy lewe vir ons gegee het en nie dooie rituele en rympies nie! Romeine 3:9-31 herinner ons daaraan!

Kliek hier

18 Januarie 2026

Waar gaan jy op eindig?

Carla en Anthony baie baie geluk eerstens met Bradley se doop! Die lewe loop so vinnig. Voor jy jou oë uitvee begin die jongmense vir jou oom sê. Wel Markus 8:31-38 sê duidelik dat die lewe `n tipe voorbereiding is op DIE lewe hierna. Die groot vraag is waar gaan jy op eindig?

Kliek hier

11 Januarie 2026

Is ons deel van ons kinders se oplossing of probleem?

Hoeveel keer het goeie intensies nie gelei tot `n dom besluit nie. Matteus 19:13-15 sien `n mens dit nogal raak by die dissipels. Maar Jesus sê: Moenie die kinders keer nie! Kinders is nie `n bysaak in die kerk nie, hulle is ons more... Dis tyd vir verandering!

Kliek hier

4 Januarie 2026

`n Goeie voorneme vir 2026: Dien Jesus met alles, ALLES!

Ek praat vandag oor iets wat vir baie dwars in die krop steek. Ek dink dis omdat ons weet wat die waarheid agter dit is. Ons hart is nie waar dit moet wees nie. Maak nie saak watter lyn ek in jou lewe volg nie, ek moet soos Matteus 6:19-23 sê by Jesus uitkom. Selfs jou finansiële lyn, kan dit getuig van jou liefde vir Jesus?

Kliek hier

28 Desember 2025